كنت دائما أشاهد عدد من التصاميم الخيالية بالفوتشوب وتأسرني فعلاً فسألت عدد من مصممي هذا التصاميم فكان جوابهم أستخدام التابلت لسهولة التحكم والتعديل والرسم على الصورة وهنا قررت أني أشتري الواكام سألت عنه قالو لي غير متوفر بالسعودية ولو متوفر تحصليه بمكتبه جرير حقيقة جرير مكتبةنصابة 
والسعر عندهم أضعاف سعر البضاعة الأصلي وغير كذا ماراح أحصل غير أنواع قديمة بالغالب لذلك قررت أشتري الجهاز من الآنترنت عن طريق موقع أمازون 😀 بعدين بلحظات هدوء تذكرت الشي الخطير 😯 أختي متواجده بأمريكا اطلب منها تشتريه لي أفضل ليش اللف والدوران >>هنا فعلا حسيت أني كنت أفكر بأصعب الحلول والحل السهل موجود لكني مأشوفه 😮 🙄 😉 أرسلت لأختي وربي يخليها لي كلمتني وقالت أشتريت لك الجهاز وسعره بأمريكا 199 دولار فقط وطبعا لانها مالها علاقة بالتصميم أستغربت من شكله 😆 طبعا طرت من الفرح والسرور >>فصحى على عامي 😳 ويالله بس وصلني الجهاز كأني طفل يستكشف شي جديد بجد كنت سعيدة ومتحمسة جدا 😆 الغالبيه يستخدمونه لبرنامج الفوتشوب لكن ايضا يستخدم لبرامج الثري دي كالزبريش والبودي بوينت بالسينما فوردي والفيو وغيرهم المهم هذه أهم مميزاته تابعو مقاطع الفيديو طبعا في أنواع أخرى وأرخص من هذا النوع ومتواجدة بالسعودية لكن أنا حبيت هذا النوع لانه أكثر تطور من اللي سبقوه
نلتقي بتدوينة قادمة ان شالله
عدد المشاهدات :17824
ألف مليون ترليون مبروك الجهاز أختي نادية .. وجميل وممتاز انك اقتنيتِ الجهاز الاحدث ..
سبق ان شدني هذا الجهاز الرائع .. وسألت عنه سابقافي المدينة التي أسكن بها لكن لم أجده وكنت أسأل كذلك عن سعره .. لأنه لو كان ثمنه غير مكلف أشتريه والسبب أن هوايتي في الأصل هي الرسم .. اما الان اشعر اني لست متحمسا لذلك كثيرا والسبب ان برنامج السينما قد غطى جابنا كبيرا جدا في هواية التصميم بالنسبةلي ..
وتحية لأختك الكريمة التي حلّت لك المعضلة وسهلّت عليك الامور ربي يحفظها ويحفظكم أجمعين ..
وألف مبروك ثانية .. وبالطبع بالطبـــــــــع نحن ننتظر أول إبداعاتك به
ترى إحنا متابعينج لحظة بلحظة >> علمتيني أحكي سعودي ..أبي أطلب جنسية سعودية 😀
الف مبروووووك
تتهنين فيه … صراحه عجبنيي
بسس لوقلتي كم سعرة
ممتن لكِ
صلاح
الله يبارك فيك أخوي ويخليك وماشالله هوايتك مو غريب عليك تعرف انا كنت ارسم فقط بالمدرسه وأيام الجامعه لان تخصصي يتطلب الرسم بعدها توقفت
بالنسبه للحماس والله السينما ادمان اساليني هههههههه وخاصه انه كل شوي في شي جديد وحاب تتعلم كل شي وتعمل تصاميم لكن لاتخسر حبك للرسم من أجل السينما حاول تنسق بين الأثنين لان السينما مجهد ويأخذ وقت ولو رجعت للرسم أخذ كورس عندك 😆 والله يخليك ونعم أختي أسعدت قلبي ربي يحفظها وترجع سالمة لنا وبالنسبه لسعره كتبت السعر طبعا انا اخذت حجم صغير سعره199 دولار 
وان شالله انزل أول أعمالي فيه وأتدرب عليه أكثر
ههههههههههههه واحلى ياخليجي انت تكلمت بلهجه الساحل الشرقي ودول الخليج لكن انا شخصيا لااتحدث هكذا اتكلم بحرف الكاف 😆 لكن أعطيك كورس باللهجه ولايهمك ومعاها الجنسيه مقابل درورس رسم 😳 منورني دائما اخوي صلاح وتواجدك يسعدني
برستيج
الله يبارك فيك ويخليك اخوي والسعر كتبته اعتذر ماكتبته قبل نسيت 😆
طبعا زي ماذكرت اخذت الحجم الصغير ومنور اخوي
بالبركة يارب
شفت الحجم الوسط بجرير يزيد سعره على موقع الواكوم بـ100 ريال
تقريباًأو اقل.
ننتظر اعمالك عليه 🙂
جميل جدا ان لك هذه الهواية ايضا اختي نادية ..
واتمنى كذلك أن لا تتركيها مثلي .. فأنا مشكلتي اني أمل الشيئ إذا اكثرت العمل فيه ..
آها وبالنسبة للمعولمة جزاك الله خيرا .. لاني كنت فعلا اسمع من ينطق بالجيم وهناك من لا ينطق بها .. ولم أكن أفهم الميزة .. فهي متعلقة بمناطق ^^
هههه كورس مقابل جنسية وتعلم اللهجة .. صفقة العمر ههههه
بجد أحب الأرض والبلاد لقلبي هي السعودية لأن فيها الحبيب خير المرسلين وشعبها ماشاء الله طيبة وتواضع .. لا تنسيني بدعواتك اختي نادية بأن ارى الكعبة المشرفة بأم عيني 😳
تحياتي لك وتقديري .. وحفظك الله وأدام سرورك ..
سما
الله يبارك فيك ويخليك يارب منوره
صلاح
هههه مش هوايه هي مقرر دراسي ومطلوب مني بعد تخرجي من الجامعه تركت الرسم 😆 ودخلت عالم التصميم وتركت الرسم مثلك لكن الان افكر استغل التابلت بالتصميم وممكن رسومات بسيطه لكن الرسم الأحترافي يحتاج الى ممارسة لوقت طويل وانا مدمنه برامج يعني راح استغل التابلت بخدمتي بالتصميم
هههههههه والكورس مقابل الجنسيه شايف ولابالاحلام 😆 الله يخليك اخوي صلاح من طيب اصلك ويارب يرزقك بزيارة لمكه والمدينه وتعيش فيها كمان منورني دوما اخوي صلاح
السلام عليكم
حياك الله اختي ناديا
الف الف مبروك عليكي التابلت
و نشوف ابداعاتك اكثر ان شاء الله
موفقه ان شاء الله
ابن الخطاب
وعليكم السلام
اهلين فيك اخوي الله يبارك فيك ويخليك يارب
نورت اخي 🙂
هلا غلاتي.. احب مدونتك لانها مرتبه ع الآآآخر..
عندنا ماالاقي ها الاشياء وانا اشتغل ع التصميم
ابغى اسألك إذا ارسلتلك الفلوس تقدري تخلي اختك ترسلي
مع حسبة تكاليف الشحن.. احتاجه كثير لانه بريك يدي التعبااانه من الماوس
وإذا صعب ترى مافي مشكله…
دلال الهاشمي
هلا فيك ياقمر تنوريني دوم مو يوم وسعيدة انه مدونتي نالت أعجابك واعذروني على قلة المواضيع بالفتره الأخيرة بسبب مشاكل بالانترنت
والله ياقمر ودي اخدمك بس اختي الان مشغولة باختبارتها تبع الدكتوراة وربي حتى ماتكلمنا زي قبل يادوب بالاسبوع مرة او ترسل رسالة ولكن عندي حل لك التابلت وصل مكتبة جرير الان شفته بنفسي تقدرين تطلبينه من مكتبه جرير لو موجود فرع للمكتبه عندكم ولاتدخلين موقع أمازون وتشترينه من الانترنت ويوصلك لعندك اذا مكتبه جرير مو عندكم اشتريه من الانترنت واذا عزمتي على شراءها من الانترنت قولي لي
ندوش .. ابي واحد مثله ..
وين احصله
وهل ينفع للفوتوشوب ؟
لانه راح يكون الاستخدام على الفوتوشوب
..
متابع مجهول
هلا والله وانت باقي ماطلعت اسمك 😆
تحصله بمكتبه جرير المكتبه النصابه موجود فيها بس سعره دبل اكيد
في انواع ثانيه وسعرها مناسب لو تبغى هالنوع فوق الالف الانواع الثانيه
500-800-400 سعر معفول