أول رسمة أرسمها سجلوني بالتاريخ

يسعد مسائكم بكل خير أحبتي وبعد مرور أشهر على تلويني بأستخدام الواكام أعود لكم من جديد برسمة هالمره رسم مش تلوين شاهدت كثير من مقاطع الرسم وحاولت أطبق لكني فشلت ثم فشلت فتوقفت عن الرسم قلت أرجع له وقت مأكون رايقه وقت مأحس فعلا اني قادرة ارسم استمرت الشهور وانا في مكاني لحد ماطاحت عيني على درس لرسامة فرنسية من أكثر الدروس اللي ارتحت وأنا اطبقها .نفسياً أقتنعت بالدرس وقررت أطبقه حلوة نفسياً    ساعات يكون الفشل والإحباط سبباً للتحدي والرغبه بالوصول الرسمه أعتبرها جيده بالنسبه لي كأول مره أرسم بالتابلت الرسامة مبدعه حقاً لكن ماقدرت أضيف مقاطع الفيديو الخاصة بالرسم بمدونتي بسبب أحتوائها على صور تخدش الحياء وأحنا مش ناقصين ذنوب يعني لو هي رسمت ناس لابسين هدوم يكون احسن  . 

رسمتي التي بدخل فيها التاريخ سجلو عندكم يوم الجمعه تاريخ 10-5-1434 نادية انتهت من الرتوش الأخيره لرسمة العين كل هالصجه وهي تطبيق لدرس اجل لو رسم من مخي وش بسوي أترككم مع الرسمة

شخصياً أحب الرسوم الكرتونية التي تحكي قصة تذكرني بطفولتي بس أصير شاطرة بالرسم ان شالله راح يكون هذا مجالي لان هذا جوي ومنها اقدر اعملها ثري دي واتعمق أكثر بتصميم الشخصيات الكرتونية نقول ان شالله أحلام ومافي شي مستحيل على طاري التصميم الكرتوني للشخصيات أخر شخصية عملتها وقفت عن أكمالها بسبب أخطائي بعمل وجه الشخصية أتحدى نفسي وأرجع أعيد ثاني لايأس مع الحياة والفشل أول طريق للنجاح
أنتهت التدونية نلتقي بتدوينة أخرى ان شالله

مواضيع مشابهه:

اللي مايعرف للصقر يشويه !! عقبات ؟ أخير وصل wacom intuos 4